Situación actual

Gipuzkoaren datozen 20 urteetarako eginkizun estrategikoak identifikatzen eta 2030eko Gipuzkoarako egoera hipotetiko batdeskribatzen.

I. faseko azken dokumentutik (“Diagnostiko estrategikoa”) abiatu eta nazioarteko joerak aintzat hartuta (webgune honetan eskura diren I. Faseko beste lan-dokumentu batzuekin batera), “Gipuzkoa 2030eko etorkizuneko egoerak eta funtsezko eginkizunak” dokumentua  —G+20 prozesuko II. faseko emaitza izango dena— lantzen ari gara.

Dokumentu hori alderatzeko eta hari eginiko ekarpenak biltzeko, Etorkizunerako Foroen Sareko ekintzaileen laguntza jaso du Gipuzkoako Estrategia Bulegoak; hauena, alegia: Etorkizuneko Batzordearena, Koordinazio Estrategikorako Taldearena, G+20 Batzordearena, eskualdeetako agentziena, unibertsitate, ikastetxe, institutu eta abarrena. Horietako bakoitzaren beharrizanen araberako partaidetza-dinamika ezarri da harremanetarako.

Horrekin batera, desafioen identifikazioari eta etorkizunerako nahi diren egoeren hautaketari buruz lortzen ari diren emaitzak aintzat hartuta, Gipuzkoarentzako proiektu eta programa estrategikoak taxutzen hasi gara, hurrengo estrategia-fasearen, hots, III. Fasearen, lanak prestatuz. III. Fasea 2010eko urtarrilean hasiko da.

Hurrengo urratsak

"Gipuzkoa 2030eko etorkizuneko egoerak eta funtsezko eginkizunak" dokumentuaren azken erredakzioa eta estrategiaren III. fasearen aurreko lanei ekitea.

0 fasea. G+20ren oinarriak jartzea: G+20ren diseinu-fasea

G+20ren diseinua eta aurkezpena. 2008ko maiatza – 2008ko azaroa

• "Gipuzkoako diagnostiko estrategikoa" dokumentua egitea.
• G+20 prozesua diseinatzea
• “G+20 prozesua” 0 dokumentua argitaratzea
• G+20 publikoki aurkeztea. 2008-11-26an Miramon parke teknologikoan
• G+20ren logoa eta irudia
• Estrategia Bulegoaren eta G+20 prozesuaren web-plataformak

Parte hartzeko eta ikuspegiak partekatzeko organoak eta guneak konfiguratzea. 2008ko iraila – 2009ko martxoa

• Batzar Nagusiak. Etorkizuneko Batzordea sortzea eta osatzea
• G+20 Batzordea sortzea, Eusko Ikaskuntzaren barruan
• Etorkizuneko Foroen Sarea. Eragileen oinarrizko sarea ezartzea
• G+20ren web-orria eguneratzea. Herritarrek parte-hartzeko guneak eta tresnak
• Partaidetza-plana

I. fasea: Gipuzkoa eta inguruak ezagutzea

Lan-dokumentuak egitea. 2008ko urria – 2009ko otsaila

• Gipuzkoaren diagnostikoa 2008
• Kanpoko joerak
• Etorkizunerako mezuak eta galderak

Lan-dokumentuak aurkeztea, egiaztatzea eta baliozkotzea, parte-hartze organoetan/guneetan. 2009ko martxoa – 2009ko maiatza.

• “Gipuzkoako Diagnostiko Estrategikoa” I. dokumentu nagusia argitaratzea
• “Etorkizunera begiratzen duten Parlamentuak eta Gobernuak” jardunaldia. Kursaal, 2009ko apirilaren 29a

II. fasea: erronkei izena jartzea eta etorkizuneko Gipuzkoa marraztea

• Lan-dokumentuak egitea.
• Lan-dokumentuak aurkeztea, egiaztatzea eta baliozkotzea, parte-hartze organoetan/guneetan.
• II. dokumentu nagusia argitaratzea: "Gipuzkoako 2030eko etorkizuna eta funtsezko erronkak”"

III. fasea: erronka onartzea eta etorkizuna prestatzea

• Lan-dokumentuak egitea.
• Lan-dokumentuak aurkeztea, egiaztatzea eta baliozkotzea, parte-hartze organoetan/guneetan.
• III. Dokumentu Nagusiko Publikazioa: “ Gure etorkizuna elkarrekin eraikitzen”.